सत्यमेव जयते फार्मर कप २०२६' निमित्त शेतकऱ्यांसाठी निवासी प्रशिक्षणाचे चंद्रपुर जिल्हातिल (वरोरा)आंनदवन ग्रामपंचायत येथे आयोजन
सुशील हटवार
सत्यमेव जयते फार्मर कप २०२६' निमित्त शेतकऱ्यांसाठी निवासी प्रशिक्षणाचे चंद्रपुर जिल्हातिल आंनदवन ग्रामपंचायत येथे आयोजन करण्यात आले होते
कळंब तालुक्यातिल प्रत्येक गावातिल शेतकारी बांधव व शेतकरी कुटुंबातील उमेद अंतर्गत महीला प्रशिक्षणास मोठ्या प्रमाणात उपस्थित होत्या.
ग्रामीण महाराष्ट्राच्या शाश्वत विकासासाठी आणि शेतीमध्ये सकारात्मक बदल घडवून आणण्यासाठी कार्यरत असलेल्या 'पाणी फाऊंडेशन' आणि राज्य शासनाच्या विविध विभागांच्या वतीने 'फार्मर कप २०२६ निवासी प्रशिक्षण' मोहिमेचा शुभारंभ करण्यात आला आहे.
या उपक्रमांतर्गत शेतकऱ्यांना आधुनिक शेती तंत्रज्ञान, गट शेती आणि आर्थिक नियोजनाचे सखोल मार्गदर्शन करण्यासाठी विशेष निवासी शिबिरांचे आयोजन करण्यात आले आहे.
प्रशिक्षणाची ठळक वैशिष्ट्ये:
उद्देश: "चला, एका आयुष्य बदलणाऱ्या प्रवासावर!" या ध्येयवाक्यासह शेतकऱ्यांच्या आयुष्यात समृद्धी आणणे आणि त्यांना आत्मनिर्भर बनवणे.
सहभागी संस्था: या उपक्रमात पाणी फाऊंडेशन, उमेद (महाराष्ट्र राज्य ग्रामीण जीवनोन्नती अभियान), कृषी विभाग आणि कृषी तंत्रज्ञान व्यवस्थापन यंत्रणा (आत्मा) यांचा प्रामुख्याने सहभाग आहे.
निवासी स्वरूप: हे प्रशिक्षण पूर्णपणे निवासी असून, यामध्ये शेतकऱ्यांना तज्ज्ञांच्या मार्गदर्शनाखाली प्रत्यक्ष प्रात्यक्षिके आणि सामूहिक चर्चेद्वारे शेतीतील नवीन प्रयोगांची माहिती दिली जाणार आहे.
प्रशिक्षणातील मुख्य विषय:
• गट शेतीचे महत्त्व: एकट्याने शेती करण्याऐवजी गट तयार करून सामूहिक शेतीचे फायदे.
• आधुनिक तंत्रज्ञान: बियाणे निवड, खत व्यवस्थापन आणि कमी खर्चात जास्त उत्पादन घेण्याच्या पद्धती.
• पाणी व्यवस्थापन: पाणी फाऊंडेशनच्या माध्यमातून जलसंधारणाचे महत्त्व आणि पाण्याचा योग्य वापर.
• बाजारपेठ समन्वय: पिकवलेल्या मालाला योग्य भाव मिळवण्यासाठी बाजारपेठेचा अभ्यास आणि विक्री व्यवस्थापन.
आवाहन:
कृषी विभागाच्या वतीने सर्व प्रयोगशील शेतकरी बंधू-भगिनींनी या निवासी प्रशिक्षणात सहभागी होऊन आपल्या शेतीला आधुनिकतेची जोड द्यावी, असे आवाहन करण्यात आले आहे. या उपक्रमामुळे ग्रामीण भागात रोजगाराच्या नवीन संधी उपलब्ध होतील आणि शेती हा तोट्याचा व्यवसाय न राहता नफ्याचा व्यवसाय बनण्यास मदत होईल.
संपर्क:
युवा संघर्ष न्यूज
मुख्य संपादक
सुशील रमेशराव हटवार
9359412352
Post a Comment
0 Comments